'தாத்' என்பதன் தமிழ் பதம் உள்ளமை என்பதாகும். திருக்குர்ஆனில் எங்கும் ذات என்ற பதம் இல்லை. சில நபி மொழிகளில் அது பற்றி வந்துள்ளது எனினும் அவை இறைவனுடைய உள்ளமையைப் பற்றி சிந்திப்பதை தடை செய்வதாகவே அமைந்துள்ளது.

تَفَكَّرُوا فِى خَلْقِ اللهِ وَلاَ تَفَكَّرُوا فِى ذَاتِهِ (الطبرنى)

“அல்லாஹ்வின் படைப்புக்களைப் பற்றி சிந்தனை செய்யுங்கள் அல்லாஹ்வின் உள்ளமை பற்றி சிந்திக்காதீர்கள்” (தப்ரானி)

பிரபஞ்சத்தின் மகத்தான படைப்புகள் இவற்றையெல்லாம் படைத்த வல்லமை மிக்க இறைவனின் உள்ளமைக்கு போதுமான சான்றாக விளங்குகின்றன. அவற்றை சிந்தித்து உணர்ந்து இறைவனை அறிந்து கொள்ளுமாறு இறைவேதம் மனிதனுக்கு அழைப்பு விடுக்கிறது.